Xopitetzin

9 09 2012

Ramón Tepole González

Xopitetzin, xopitetzin

ma nimitzompanowi;

ma nimitzompanowi

xopitetzin, xopitetzin.

Ma nioh temachtiloyan

ompa nimomachtiti;

amo ximoyolkoko,

niman nimokopati,

Xitzikuini, xitzikuini,

nonawak ximonexti;

xiwiki ximawiltiki,

satepan tikochiti.

Xopitetzin, xopitetzin,

sekitzin xitlahtlakuika

wan mostla kualkantika,

nimitzontlahpaloki.





Totekiyo

9 09 2012

Miguel Juan Cuagquehua Quechulpa

Kualkan ihkuak nikkaki

tlakuika nokaxtiltzin,

nimantzin nimehtewa

kaltempan nimixamia.

Nonantzin mehtikisa,

yawi motixiliti,

wan niman nechtlamaka

kampa nimomachtiti.

Notahtzin san kualkantzin,

yawi tekipanoti;

teotlaktzin mokopati

wan amo sotlawani.

Wan neh nimomachtiti

inwan noyolikniwah,

ompa temachtiloyan

welika nixtlamatiti.

Wan ihkuak wal teotlaki,

nikkaki nokaxtiltzin;

ok sehpan tlahtlakuika,

niman tikochitiweh.

 

cantar con la tonada de “pin pon”





Kualtzin amichintzin

9 09 2012

Okitenkopkeh: Ezequiel Jiménez R.     Santos Carvajal G.

Ihtik atl chipawak

tlen kisa ameyalko;

se kualtzin amichin,

niman okisako.

Kualtzin amichintzin

xikistewa nowan

ma timawiltitih,

tiawih kan xochitlan.

Nichanchiwa atlihtik,

amo nikisani,

nonantzin okihtoh;

amo tikistewas.

Nonan nechtlasohtla,

kualtzin nechmalwia ;

amo ma nikisa,

nechnahnawatia.

Atlan ximokawa,

techtlawelkakili;

ompa ximawilti,

amo kanah xiyah.

 

cantar con la tonada de “lindo pescadito”