Inon tlamantli tlen amo nikahsikamati



Techontlahpohpolwikah amehwantzitzinteh tlen axkan nimechpowilis. Onkah miak tlamantli tlen amo nikahsikamati wan nechtlayehyekoltia, satepan tlatenewa.

Amo nikahsikamati tleka nowiyan mokuahkalaniah, wan amo motekipachowah kampa okachi kualli otimoyekwikaskiah. Mihtowa, tlakatl kualli tlayehyekowa wan walewa kemin se yolkatl kichichiwa.

Amo nikinahsikamatilia nekateh tlen ihkuak ami tlah tekitlanawatilli impankistok, kiihtowah tlapalewiskeh wan kemanian kintlehkoltiah ma tepankistokah tekiwahkan san ichtakatlakixtiah wan amo kanah tetlakittah.

Amo nikinahsikamatilia tlen nochipan teotlahtolli kimomaxtiah wan teopan momahnatiweh, tla keh miak tlamantli tlen kichiwah itech inemilis, tepinati wan melahkayopan motlahsolkopa.

Amo nikinahsikamatilia nekateh tlen san kemeh tlanemitiltin yoltokeh, tlen amitlah kimoyehyekoltiah, tlen amo kimatih kanin yawih.

Miak tlamantli kualtis nimechonmolwilis tlen amo nikahsikamati , tekahkayawalistli kuahkualanalistli, awilnemilistli, tlawankayotl, teopantokalistli, walewa amo nikittilia kenemin nimotlahtolpolowa wan noihki nimotlahsolkopa wan niwehwetzi itech pohpowkayotl. Amo nikahsikamati , nexixikolistli , tzotzokayotl noso xixikuilistli, totech ahsi ihkuak oksekimeh tokniwah amo impan timoyehyekowah.

Nechtekipachowa tlekan axkin onimechontlahtlappowiko. Nochi tlen amo nikahsikamati, notech otzonetoka, onechtekipachohtoka wan ikinon welika onimechonmolwiliko tla keh ihkon oktepitzin nimoyehyekos.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s




A %d blogueros les gusta esto: